AI CARMELA GAL | titoasorey

TITO ASOREY

DIRECTOR DE ESCENA

ACTOR

DIRECTOR

AI CARMELA!

DE JOSÉ SANCHIS SINITERRA

TEATRO DE ADRO

ESTREADO EL 21 DE OCTUBRE DE 2010

Ante unha situación de crise, cal é a posición que deben de tomar os artistas? Desa pregunta xorde este espectáculo, no que se unen o cabaret, o teatro musical, a comedia máis disparatada e o drama histórico para tratar de dar unha resposta a esa cuestión. Nesta proposta, o Belchite de Sanchis Sinisterra se converte na Galicia de 1938, na que dous cómicos, Carmela e Paulino, son arrestados polo bando nacional e obrigados a realizar unha función para conmemorar a victoria da Batalla do Ebro. Entre o público presente a dita celebración están presentes varios mozos condeados a morte. Paulino, no seu afán de supervivencia, aceptará facelo, pero Carmela, nun xesto que ten que ver máis co seu espírito de xustiza e solidaridade que cun interese político, acaba por non aceptar as ordes recibidas, o que supón a súa morte. A peza estrutúrase a partires das diversas aparicións de Carmela, xa defunta, a un Paulino que tenta seguir vivindo ca súa derrota.

A DIGNIDADE de dous perdedores

A RESPONSABILIDADE coas circunstancias que nos tocou vivir

A MEMORIA dos nosos mortos

Estes son os tres eixos principais do espectáculo. Unha montaxe na que a comicidade é o mellor vehículo para reflexionar sobre dous xeitos moi diferentes de enfrontarse ao mundo.

AI, CARMELA! é un espectáculo cómico no que a música en directo ten unha importancia determiñante. Unha reflexión sobre os distintos xeitos de enfrontarse a unha situación de crise: a supervivencia baseada no adormecemento dos nosos postulados éticos, ou o rico de poñer por diante de todo a nosa liberdade. Un exercicio de reflexión sobre o que non vivimos dende a situación que nos tocou vivir. Un achegamento ao imaxinario galego da peza de Sanchis Sinisterra, na que o idioma ten unha importancia capital no xeito en cómo se expresan os dous protagonistas, dependendo de a quén se dirixan. Un espectáculo que se nutre das tradicións galegas sobre o Alén, coas aparicións de defuntos, co fin de achegar o texto ao noso paradigma de cultura popular. Un espectáculo no que a música e a intepretación dos dous actores priman porriba do resto de disciplinas escénicas. A unión de dúas xeracións de intçepretaes galegos: Josito Porto, un dos actores galegos máis recoñecidos, e Melania Cruz, vinculada ás novas xeracións que xorden na Escola Superior de Arte Dramática de Galicia.

FICHA ARTÍSTICA

ELENCO

Josito Porto: Paulino

Melania Cruz: Carmela

Música en directo: Sabela Dacal

ESCENOGRAFÍA E ILUMINACIÓN: Afonso Castro

VESTIARIO: Yaiza Pinillos

ATREZZO: Sabela Dacal y Yaiza Pinillos

DESEÑO GRÁFICO: Jose Lameiras

FOTOGRAFÍA: Alfonso Blanco

DRAMATURXIA: Nate Borrajo y Tito Asorey

AUXILIAR DE DIRECCIÓN: Nate Borrajo